前兩日因為就考琴, 屋企唔方便練習, 所以走左去租club house琴房, 況且諗住有得租三角琴, 可以模擬下考試, 點知一彈落去便發現走音走到離晒譜, d音又散晒, 咁我咪走去front desk度投訴, 問佢地搬左d琴黎呢度有無tune過部琴, 走音走得好厲害, 點知個職員無直接答我不突止, 居然答我話先前租過出去, 無問題喎! 我聽到後真係嬲到震!!!

第一: 個琴連基本d, m, s, d 都唔可以完整出到, 逐個音彈可能唔多覺, 但很多音一起彈時, 便很明顯走音走得很厲害! (可能我一直學音樂, 所以一聽便很易辨認)

第二: club house 既然整得琴房, d琴預了要保養, 其實tune一個琴都係要幾佰蚊, d琴係yamaha, 當係二手, 都要萬幾蚊部啦, 三角琴點平都要幾萬瓜, 如果咁都慳, 不如無謂浪費位置整琴房!

第三: 我都話自己有鋼琴用, 大不了咪唔租佢d琴用, 但若果有住戶的小朋友因初學鋼琴而租用琴房, 咁咪會學壞耳仔? 要知道聆聽能力和音律的辨認是得重要的!

第四: 我覺得個職員講野很不負責任, 話租過出去無事喎, 咁外行既可能未必咁易分清楚, 但內行的一聽就知, 咁係咪下次gym room儀器上有某d function 壞左, 咁駁有d住戶又唔多識用, 咁又唔搵人黎整呀??

總之, d設施如同虛設, 目的只在於show俾d睇樓人士, 我認為我地俾得咁貴管理費, 如果連屋苑基本保養都做唔到, 就無謂要收人地咁多錢, 真係太可惡了!!!

P.S: 我之後再換了其他直立式鋼琴, 個d琴都係走音好厲害, 不過無三角咁明顯, 原理係因為三角琴發聲效果係好清晰的!

要同服務處主任投訴, 否則他們不知道。

咁好唔得喎...一定要同管理處投訴吓先得喎!!!!

我女朋友之前投訴左la.....不過無改善bor

同意呀，態度差真系要炳!!! (我 so far 遇到的職員都好好。)

其實個職員d態度又唔可以話佢好差, 但佢應對能力就真係麻麻, 做野又亂成一團, 上次幫我book d facilities 又係佢, 但佢又同我book錯晒d時間, 唉... (最慘係我唔係住係度, 層樓租左出去, 次次要搭車黎!)